Paal Kolukattai

Chettinad Samayal /Paal Kolukattai

பால் கொழுக்கட்டை

தேவையான பொருட்கள்:

பச்சரிசி மாவு, பொடித்த வெல்லம் – தலா 2 கப்,

தேங்காய் – ஒன்று,

ஏலக்காய்த்தூள் – ஒரு டீஸ்பூன்,

உப்பு – அரை டீஸ்பூன்.

செய்முறை:

பச்சரிசி மாவில் உப்பு சேர்த்து, கொழுக்கட்டை உருட்டும் பதத்துக்கு பிசைந்து கொள்ளவும். பிசைந்த மாவை சிறுசிறு உருண்டைகளாக உருட்டிக் கொள்ளவும். தேங்காயை துருவி முதல் பால், இரண்டாம் பால் தனித்தனியே எடுக்கவும். வெல்லத்தை கரைத்து வடிகட்டிக் கொள்ளவும். எடுத்து வைத்துள்ள இரண்டாம் பாலில் கரைத்த வெல்லம் சேர்த்து மிதமான தீயில் கொதிக்கவிடவும். அதில் உருட்டி வைத்துள்ள உருண்டை களைப் போட்டு வேகவிடவும். உருண்டைகள் வெந்ததும், முதல் பால், ஏலக்காய்த்தூள் சேர்த்து இறக்கிப் பரிமாறவும்.